Приветствую Вас, Гость
Главная » 2019 » Ноябрь » 5 » Военно-учебные сборы
15:03
Военно-учебные сборы

Сэтинньи 2, 3 күннэригэр үгэскэ кубулуйбут, 5-тэн 11 кылааска диэри 93 уолу уонна 9 эр  дьон учууталы хабан, оскуолабытыгар  байыаннай сбор буолан ааста. Уолаттар 4 взводка арахсаннар, 13 этаптаах  байыаннай- спортивнай курэҕи аастылар. Ол курдук: автоматы ыһыы уонна хомуйуу, автомат маҕаһыыныгар ботуруоннары угуу, салгын саатынан охтор мишеннэри ытыы, "радиосвязь", "снайпер", баскетбол, патриотическай ырыа конкурса, күүс-уох өттүнэн бэлэмнэрэ, строевой хамыы бэлэмин күрэҕэ, "Боевой листок", военизированнай эстафета уонна викторина. Бу күрэхтэһиилэргэ үгүстэригэр алын, орто уонна улахан сүһүөхтэргэ арахсан күрэс былдьастылар. Түмүк көрүҥнэринэн маннык буолла:

Советскай Союз геройун Миронов Алексей Афанасьевичка анаммыт, автоматы ыһыыга уонна хомуйууга, алын сүһүөхтэргэ бастакы миэстэни ылла Алексеев Саша, иккискэ Верховцев Айсен 6"б" кылаас  үөрэнээччилэрэ, үсүһү Морозов Ваня 5"б" кылаас. Орто сүһүөхтэргэ: бастакы миэстэни эрэллээхтик Потапов Владик 8"а", иккиһи Шарин Саша 7"а",   үсүһү Аргунов Стас 8"б" кылаас үөрэнээччитэ.

Улахан кылаастарга: бастакы миэстэни ылла Афанасьев Роман 9"б", иккис миэстэни Зырянов Коля 11"а", үһүс Шарин Артем 9"б" кылаас үөрэнээччитэ.

Российскай Федерация геройугар Стрекаловскай Михаил Михайлович анаммыт, автомат маҕаһыыныгар ботуруону угуу күрэхтэһиигэ, алын сүһүөхтэргэ бастакы миэстэни ылла Верховцев Айсен 6"б", иккискэ таҕыста Монастырев Уххан 6 "а", Морозов Ваня 5"б". Орто сүһүөхтэргэ бастакы миэстэни ылла Потапов Владик 8"а", иккис буолла Сивцев Степан уонна үһүскэ  Шарин Саша, иккиэн 7"а" кылаас үөрэнээччилэрэ. Улахан сүһүөхтэргэ бастакы миэстэни ылла  Степанов Сергей 10"б", иккискэ Зырянов Коля 11 "а", үсүһү  Сильвестров Юлиан 10"б".

Аатырбыт Мэҥэ-Хаҥалас снайперыгар Кычкин Иннокентий Семенович анаммыт, салгын саатынан охтор мишеннэри ытыыга,  алын сүһүөхтэргэ бастакы миэстэни ылла  Сыроватскай Эрчим 5"а", иккиһи Никаноров Вадим 5"б", үсүһү Брызгалов Стас 6"а" ылан түргэн бэргэн ытааччылар буоллулар. Орто сүһүөхтэргэ түргэн хамсаныылаах бэргэн ытааччы буолла - 7 "а" кылаас үөрэнээччитэТитов Костя, иккис миэстэҕэ таҕыста Шарин Дамир, үһүскэ Потапов Владик 8"а",иккиэн, кылаас үөрэнээччилэрэ. Улахан кылаастарга бастакы миэстэни ылла Шарин Артем 9"б", иккиһи Сильвестров Юлиан, үсүһү Степанов Сергей, иккиэн 10 "б" кылаас үөрэнээччилэрэ.

Номоххо киирбит милиция майора Гаврил Романович Десяткин-Күүстээх Дэһээткиҥҥэ анаммыт, күүс уох өттүнэн бэлэмнэрин көрдөрүү спортивнай күрэхтэһиигэ, алын сүһүөхтэргэ бастакы миэстэни ылла 6"а" кылаас үөрэнээччитэ Шарин Андриан, иккиһи Николаев Андрей 5"а", үсүһү Шарин Миша 6"б".

Орто сүһүөхтэргэ: бастакы миэстэни ылла, 8"а" кылаас үөрэнээччитэ Потапов Владик" иккискэ Степанов Ваня 7"а", үһүскэ Брызгалов Владик 8"б" таҕыстылар. Алын уонна орто сүһүөхтэргэ түөрт спортивнай көрүҥҥэ күрэхтэстилэр. Үрдүк перекладинаҕа тардыныы, сытан эрэ бэйэ корпуһу көтөҕүү (пресс), сиртэн илиигинэн анньыныы, атаххар олорон туруу диэҥҥэ күрэхтэстилэр. Көрүҥнэринэн биир-биир көһө сылдьан, хас биирдии көрүҥү 30 сөкүүндэҕэ оҥордулар.

Улахан сүһүөхтэргэ үрдүк перекладинаҕа түөрт көрүҥү 3 мүнүүтэ устата оҥорууга күрэхтэстилэр. Перекладинаҕа тардыныы, илии күүһүнэн перекладина үрдүгэр тахсыы, атаххын өрө тэбэн перекладина үрдүгэр тахсыы уонна атаххынан перекладинаны таарыйыы. Бу саамай ыарахан көрүҥҥэ бастакы миэстэни ылла Степанов Сергей 10"б", иккис миэстэни ылла Афанасьев Роман 9"б", үсүһү Марков Руслан 10"а".

Взводтар бэйэлэригэр бары аат толкуйдаабыттара. Онон түөрт хамаанда төрдүөн тус туспа ааттаахтар: "Тайфун", "Тигр", "Пламя" уонна "Сокол".

Взвод хамандыырдарынан буоллулар: "Тайфун"взводка Зырянов Николай 11"а", "Тигр"- Шеметов Иван 11"а", "Пламя" - Устинов Ганя 10"а", "Сокол" - Сильвестров Юлиан 10"б".

Быйыл строевой хаамыыга эмиэ биир уратыны киллэрдибит. 5-7 уонна 8-11  кылаастарга дылы взводтар икки ардыларыгар икки бөлөҕүнэн күрэхтэстилэр. Бу күрэхтэһии Кыайыы Параадыгар аналлаах строевой хаамыы бэлэмин көрүү. Кыра кылаастарга строевой хаамыы, строевой ырыа уонна байыаннай приветствие диэҥҥэ күрэхтэстилэр. Онтон улахан кылаастарга бу көрүҥнэри таһынан, автомат приемнара,  соҕотохтуу строй иннигэр тахсан строевой приемнары автомата суох оҥорууга күрэхтэстилэр. Манна хамаанда биир сомоҕо буолуутун көрдөрдүлэр "Пламя" хамаанда. Иккис миэстэ буолла "Тайфун", үһүс-"Тигр". "Радиосвязька" бастакы миэстэни ыллылар "Пламя", иккис "Сокол", үһүс "Тайфун".

Аҕа дойду Улуу сэриитин саха корреспонденыгар Винокуров Арсений Порфирьевич-Олбинскайга аналлаах боевой листок хаһыат конкурса буолла. Боевой листок таһаарыыга бастакы миэстэни ыллылар "Тайфун", иккис-"Сокол", үһүс - "Пламя". Манна бастыҥ хаһыат худуоһунньугунан - Николаев Вадим 8"а", секретарынан - Иванов Арслан 8"б" уонна редакторынан Борисов Эдик 8"а" буоллулар.

Биһиги биир дойдулаахпыт, Советскай Союз Геройун Федор Кузьмич Попов сулууспалаабыт 61 армия, 81стрелковай дивизия, 467 полкатыгар бастакы батальон 3 ротатыгар аналлаах военизированнай эстафетаҕа бастакы миэстэни ылла "Пламя", иккиһи "Тигр", үсүһү - "Сокол".

Байыаннай викторинаҕа уһулуччу билиилэрин көрдөрөн бастакы миэстэни ылла "Пламя" байыастара.

Патриотическай ырыа конкурсугар бастакы миэстэҕэ эрэллээхтик таҕыстылар "Тайфун", иккискэ - "Пламя" уонна үһүскэ - "Сокол".

Баскетболга "Тигр" взвод тэҥнээхтэрин орто да улахан да сүһүөхтэргэ  булбатылар.

5-6 кылаастарга "Снайпер" спортивнай күрэхтэһии буолла. Манна тактика, стратегия, мээчигинэн таба быраҕыы уонна мээчиктэн аһарыы сымса хамсаныылары оҥорон бастакы миэстэни ылла "Сокол", иккискэ "Тигр", үһүскэ "Тайфун" таҕыста. Онон икки күннээх байыаннай сборбут спортивнай күрэхтэһиилэрэ конкурстара маннык  түмүктээх буолла:  Үһүс миэстэни ылла - "Тайфун", иккис - "Пламя" уонна бастыҥ бастакы миэстэни мөккүөрэ суох ылла - "Сокол". Биирдилээн миэстэлэспиттэргэ барыларыгар грамота туттарылыннылар. Мэнэ-Ханалас улууһун  бойобуой  дьайыылар уонна  афганистан сэриитин ветераннарын советын председателя Семенов Николай Мирославович уонна Шарин Валерий Валерьевич байыаннай сборбутугар ыалдьыттаатылар, уолаттары эҕэрдэлээтилэр.

Сборбут этэҥҥэ ааспытыгар махтаныам этэ взвод хамаандыырын солбуйааччыларыгар Зырянов Николайга, Шеметов Иваҥҥа, Устинов Гаврилга уонна Сильвестров Юлиаҥҥа. Кинилэр оҕолору, взводтары түмэн күрэхтэһиилэргэ уонна конкурстарга бэлэмнээн кытыннарбыттарыгар, бэрээдэктэрин көрбүттэригэр.

Махтанабын минньигэс аһынан бириэмэтигэр бэлэмнээн хааччыйбыт повардарбар, бииргэ тэрийсэн үлэлээбит коллега эр дьон учууталларга.

 

Владимир Эверстов.

 

Хаартыскалар

Просмотров: 32 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]