Приветствую Вас, Гость
Главная » 2020 » Ноябрь » 25 » Сэтинньи 25 күнэ – Олоҥхо күнэ!
09:02
Сэтинньи 25 күнэ – Олоҥхо күнэ!

«Олоҥхо—саха норуотун энциклопедията, бары күндүтэ мустубут музейа. Саха фольклорун бары жанрдарын синтеhэ, киhи билэр бары поэтическай ньыматын сиэркилэтэ», – диэн норуот суруйааччыта, Суорун Омоллоон эппитинии, улуу айымньыбыт суолтата сылтан сыл үрдээн иһэр.

2005 сыллаахха Олоҥхону ЮНЕСКО киһи аймах чулуу айымньытынан билиммитэ быйыл үбүлүөйдээх 15 сылын туолла. Биһиги оскуолабытыгар сыллата саха тылын учууталлара бу бэлиэ күҥҥэ аналлаах тэрээһиннэри ыыталлар. Олоҥхо диэн аан дойду хайдах айыллыбытын, олох үөскээбитин, саха омук хайдах сайдыбытын, олоҕун-дьаhаҕын, майгытын-сигилитин, өйүн-санаатын, айылҕа модун күүhүн кэпсиир сүдү айымньы. Олоҥхо тыла саха омук бастын баайа, кэрэ киэргэлэ, өйүн сурэҕин үгүс үйэлээх албан айымньыта. Кини–норуот күндү кылаата, норуот муудараhын, этэр тылын эгэлгэтин муспут баай айымньы. Олоҥхо норуот тылынан уус-уран айымньытын муҥутуур чыпчаалынан буолар. Кини жанр өттүнэн саамай уустук тутуллаах, ураты көрүннээх айымньы. Саха норуота бачча улахан барҕа баайдааҕынан киэн туттуохтаах! Олоҥхо декадатыгар анаан ыытыллар тэрээһиннэри инстаграм сирэйбитигэр болҕойон көрөөрүн.

Просмотров: 36 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]