Приветствую Вас, Гость
Главная » 2022 » Февраль » 16 » "Саха маанылаах аһа" тэрээһин
18:24
"Саха маанылаах аһа" тэрээһин

Олунньу - Одун ыйа. Бу кэмнэ өбүгэлэрбит Ынах таҥаратын бэлиэтииллэрэ. Бу ыйга төгүрүк сыл аҥара бүппүтүнэн ааҕыллара. Ыал кыһыҥҥы хаһаас аһа аҥара бүтэр диэн буолара.

Тымныы оҕуһун биир муоһа түһэн, халлаан сылыйар, күн лаппа уһуур. Дьэ , маннык үтүө кэм кэлбитинэн, саха норуота тымныы, хараҥа, уһун кыһыммытын этэҥҥэ туораан, сыл тахсан эрэбит диэн сүргэлэрэ көтөҕүллэр. Айыыларга сүгүрүйэн , саха маанылаах астарын - алаадьы, саламаат, сахалыы лэппиэскэ астаан айах туталлара, ааттаһаллара көрлөһөллөрө. Бу ый үгэһин утумнаан, кыргыттарбытыгар анаан "Саха маанылаах аһа" тэрээһини остолобуойбут үлэһиттэрин кытта бииргэ тэрийэн ыыттыбыт.

Тэрээһин сүрүн соруга - кэнчээрилэрбитигэр өбүгэ угэһин сырдатыы, саха төрүт аһын биллэрэн, хайдах астыырга үөрэтии, бэйэ астыыларыгар көҕүлээһин. Ол курдук саламаат, саха лэппиэскэтин буһардылар, собо балык ыһаарылаатылар. Кэрэчээн кыргыттарбыт бэлэмнэнэн кэлэн саҥаны билэн, ас астаан, амсайан көрөн, үөрэн - көтөн тарҕастылар. Тэрээһин түмүгүнэн, хас биирдии кыыска астыыр сатабылынан көрөн, анал ааттарынан бэлиэтээтибит.

Саха тылын, литературатын учууталларын метод.холбоһуга.

 

Хаартыскалар

Просмотров: 64 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]