Приветствую Вас, Гость
Главная » 2020 » Февраль » 13 » Олунньу ый 13 күнэ - төрөөбүт тыл уонна сурук-бичик күнэ!
18:04
Олунньу ый 13 күнэ - төрөөбүт тыл уонна сурук-бичик күнэ!

Төрөөбүт төрүт тылбыт - саха тылын күнүнэн! Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун! 

Норуот олорбут олоҕо, тыына-дьылҕата тылыгар иҥэн сылдьар. Оҕо төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр-хааныгар иҥэринэр, төрөөбут тылын, бэйэтин омугун харыстыыр киһи буолар.

Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына, тыыннаах буолар, салгыы сайдар, барҕарар кыахтанар. Тыл – бүтүн норуот национальнай баайа, кэлэр кэскилэ.

"Туругура тупса тур,
Тирэҕирэ чиҥии тур,
Тоҕойдору туораан ис,
Араҕастары ааһан ис
Саргы дьаһаан Сахам тыла,
Сарыал санаам - Сахам тыла!"

Ийэ тыл уонна сурук-бичик нэдиэлэтэ, биһиги оскуолабытыгар тэрээһиннээхтик ыытылынна. Өбүгэ оонньууларыгар сытыылар, сымсалар күөн көрүстүлэр. Кылаас салайааччылара  "Төрөөбүт тылым-барҕа баайым" диэн темаҕа, аһаҕас кылаас чаастарын ыыттылар. "Өбүгэбит төрүт мала-сала" быыстапка үрдүк таһымнаахтык тэрилиннэ. Оҕолуун, учууталлыын оһуокайы оройуттан туттубут, хомус туһулгэтин тэрийдибит. Тыл күнүн үөрүүлээх чааһа Саха народнай поэта И.М. Гоголев - Кындыл 90 сааһыгар ананна. Саха тылын уонна литературатын учууталларын МХ үрдүк таһымнаахтык тэрийэн, салайан ыыттылар.

 

Хаартыскалар

 

Просмотров: 134 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]