Приветствую Вас, Гость
Главная » 2020 » Декабрь » 11 » Норуот маастара, Николай Семёнович Баишев 85 сааһын туолла
20:31
Норуот маастара, Николай Семёнович Баишев 85 сааһын туолла

Бүгүн, ахсынньы ый 11 күнүгэр, Мэҥэ Хаҥалас улууһун Дархан ууһа, Саха Өрөспүүбүлүкэтин норуотун маастара, худуоһунньук, биьиги оскуолабыт ветерана, Майалар бары ытыктыыр, киэн туттар киһибит Баишев Николай Семенович үбүлүөйдээх 85 сааһын бэлиэтиир үөрүүлээх сэмэй тэрээһин буолла.

Р. Г. Васильев аатынан кыраайы үөрэтэр түмэлгэ Николай Семенович айар үлэтин быыстапката турда. Ытык киһибитигэр үбүлүөйүнэн уонна быыстапката арыллыбытынан эҕэрдэ бастыҥа этилиннэ. Ол курдук баһылык Дмитрий Тихонов эҕэрдэ суругун, бэлэҕин уонна улуус баһылыга Николай Старостин аатыттан "Мэҥэ бэлиэтин", "Мэҥэ аат" кинигэҕэ киирбитин туһунан туоһу суругу туттарда. Ону таһынан Олоҥхо дьиэтин салайааччыта Евдокия Иванова, Р. Г. Васильев аатынан кыраайы үөрэтэр түмэл үлэһитэ Нина Никанорова эҕэрдэлээтилэр.

Үтүөкэн киһибит, Эн үгүс көлүөнэ ыччаты норуот култууратыгар угуйан, айар үлэҕэ сыһыаран, үөрэтэн-такайан кэллин. Үүнэр көлүөнэҕэ дьоһун олоххунан, үлэҕинэн-хамнаскынан үтүө холобур буолаҕын. 

Бу үөрүүлээх бэлиэ күнүнэн өссө төгүл эҕэрдэлээн туран, чэгиэн-чэбдик доруобуйаны, дьонуҥ-сэргэҥ махталларыгар арыаллатан өссө да уһун үйэлэн. Инникитин даҕаны историяны кэрэһэлиир хартыыналары суруйа, айа-тута сылдьаргар! Дьоһун олох туругурдун!

 

Просмотров: 25 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]