Приветствую Вас, Гость
Главная » 2020 » Март » 16 » "Мисс и Мистер ГУМ 2020" уонна "Кэрэчээнэ Куо 2020"
11:01
"Мисс и Мистер ГУМ 2020" уонна "Кэрэчээнэ Куо 2020"

Кулун тутар ый 12-13 күннэригэр, Ф.Г.Охлопков аатынан орто оскуолаҕа, сылын аайы ыытыллар, үгэскэ кубулуйбут алын сүһүөх кылаас кыргыттарыгар «Кэрэчээнэ Куо 2020», орто уонна улахан кылаас кыргыттарыгар уонна хорсун-хоодуот уолаттарыгар «Мисс уонна Мистер ГУМ 2020» күрэх буолан ааста. Быйыл куонкурспут 2 күн устата ыытылынна. Ол курдук, бастакы этап “Бастыҥ Сандалы”, «Өбүгэ оонньуута». Кулун тутар 13 күнүгэр, саамай эппиэтинэстээх түмүктүүр этап буолла. Бэйэни билиһиннэрии, талааны көрдөрүү, дефиле. «Мисс уонна Мистер ГУМ 2020» күрэхпит тэрээhинигэр нэһилиэкпит урбаанньыттара бэйэлэрин үтүө кылааттарын киллэрэн көмө, өйөбүл буоллулар. Түгэнинэн туһанан, оскуола администрациятын аатыттан дириҥ махталбытын тиэрдэбит. 

Икки күннээх күөн көрсүү кэннэ, түмүк маннык буолла:

  • "Мисс ГУМ 2020" Лукина Гея 8а кылаас;
  • "Мистер ГУМ 2020" Яковлев Вова 10а кылаас;
  • "Мини Мистер ГУМ 2020" Иванов Вова 5б кылаас;
  • "Мини Мисс ГУМ 2020" Ефимова Милена 6а кылаас.

Бары кыттааччылар анал аатынан наҕараадаланнылар. Интернет куоластааһын түмүгүнэн кыайыллахтарынан буоллулар Лукина Гея, Яковлев Вова.

Ону тэҥэ бу күн алын сүһүөх кылаастарга «Кэрэчээнэ Куо 2020» конкурс ыытылынна. 8 кырачаан Кыталык кыргыттарбыт кыттыыны ыллылар. Бары олус кэрэлэр, сибэкки курдуктар, чаҕылхайдар. Кыайыылааҕынан таҕыста 1б кылаас үөрэнээччитэ Нарыйаана Холмогорова. Кыттааччылар бука бары анал ааттарынан наҕараадаланнылар, бэлэх туттулар. Тугэнинэн туһанан, убаастабыллаах төрөппүттэрбитигэр, кылаас салайааччыларыгар барҕа махталбытын тиэрдэбит.

 

Хаартыскалар

Просмотров: 24 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]