Приветствую Вас, Гость
Главная » 2019 » Апрель » 9 » Болоттор - бастыҥнар
12:37
Болоттор - бастыҥнар

Милииссийэ майора Гаврил Романович Десяткин 115 сааһыгар аналлаах  байыаннай спортивнай  оонньуулар муус устар 6 күнүгэр Доллу нэһилиэгин Тумул бөһүөлэгэр  буолан ааста. Бу күрэхтэһиигэ алта хамаанда: Аллараа Бэстээх 2 №-дээх орто оскуолатын  “Факел” БСК, Ф.Г. Охлопков аатынан Майа орто оскуолатын “Болот” БПК,  И.М. Романов аатынан Төхтүр орто оскуолатын  “Аҕа дойду Улуу сэриитин ветеранын, икки Албан Аат орден кавалерын С.М. Дмитриев аатынан” БПК, Балыктаах орто оскуолатын  “Дьулурхан” БПК уонна Т.Г. Десяткин  аатынан Тумул орто оскуолатын “Бэдэр” БПК икки хамаандата кыттыыны ыллылар. Бу күрэхтэһиини Мэҥэ –Хаҥалас улуустааҕы Ис Дьыала Министерствотын отдела балаһыанньатын оҥорон уонна тэрийэн ыытта. Күрэхтэһии 7 көрүҥүнэн буолла. Ол курдук: “Тестирование”, “Стрелковай күөн көрсүһүү”, “Автоматы ыһыы уонна хомуйуу”, “Автомат маҕаһыыныгар ботуруону угуу”, “Тутум эргиир”, ”Химияттан көмүскэнии” уонна “Канат тардыһыыта”.

Күрэхтэһиигэ ыалдьыт быһыытынан Мэҥэ –Хаҥалас улуустааҕы Ис Дьыала Министерствотын отделын начальнига полиция полковнига В, И. Пономарев, улуус үөрэҕин управлениятыттан иитии отделын сүрүн специалиһа Н.М. Семенов, Тумул  дьаһалтатын специалистара уонна Г.Р. Десяткин аймахтара кыттыыны ыллылар.

Тестирование этаабыгар оҕолор  Гаврил Романович Десяткин олоҕун, үлэтин  уонна кини спортивнай ситиһиилэрин бастакы блокка, медицинскэй бэлэмнэнии  иккис блогар уонна Полиция туһунан Федеральнай сокуон  үһүс блокка билиилэрин көрдөрдүлэр. Бу көрүҥҥэ  биһиги оскуолабыт 7 “а” кылааһын үөрэнээччитэ Потапова Марианна тэҥнээҕин булбата. Онтон хамаанданан: бастакы – “Болот”, иккис – “Факел” уонна үһүскэ – “С.М. Дмитриев аатынан байыаннай патриотическай кулууптарын байыастара буоллулар.

Стрелковай күөн көрсүһүүгэ хамаандалар салгын саатынан охтор сыаллары  ыттылар. Бу күрэххэ икки уол уонна биир кыыс кыттыыны ылаллар. Биир кыттааччы үс буулдьаны туттар уонна эстафета көрүҥүнэн ыытылынна. Манна олимпийскай системанан уонна бириэмэнэн  көрөн миэстэ таһаардылар. Бастакы миэстэни –“Бэдэр-1”, иккискэ – “Болот”, үһүскэ – “Бэдэр-2”хамаандалар буоллулар. Бэргэн ытааччы аналаат хаһаайынынан “Бэдэр-1”хамаанда байыаһа  Игнатьев Валера буолла.

Автоматы ыһыы уонна хомуйуу  этабыгар бастакы миэстэни – “Болот”, иккискэ  - “факел”,  үһүскэ- “Бэдэр” буоллулар. Манна тус анал аат хаһаайынынан буолла Романова Милада биһиги оскуола 11 “б” кылааһын үөрэнээччитэ. Кини бириэмэтэ 15,65 сөкүүндэ ыһан-хомуйан көрдөрдө.

 Автомат маҕаһыыныгар ботуруону угуу күрэҕэр “Бэдэр-1” тэҥнээхтэрин булбатылар. Иккискэ – “Болот”, үһүскэ – “Факел” байыастара. Саамай түргэн ботуруон угааччы анал аат хаһаайынынан “Бэдэр-1”хамаанда байыаһа  буолла  Игнатьев Валера.

“Тутум эргиир” күрэҕэр уолаттар эрэ кытыннылар. Эргийбит түмүктэрин сууммалаан түмүк таһаардылар. Бу этаапка 1 мүнүүтэ устата 24 эргийэн Аллараа-Бэстээх 2 №-дээх оскуолатын 11 кылаас  үөрэнээччитэ “Факел” БПК Винокуров Артур тэҥнээхтэрин булбата. Уопсайга “Факел” – бастакы, иккискэ – “С.М. Дмитриев аатынан” БПК,   “Бэдэр-1”- үһүскэ.

”Химияттан көмүскэнии” этаапка икки кыыс кыттыны ылыллар Манна бастыҥ ОЗК кэтээччинэн буолла “С.М. Дмитриев аатынан” БПК байыаһа   Анна. Биһиги кыргыттарбыт  куһаҕана суохтук кытыннылар.  Уопсайга  бастакы миэстэ - “С.М. Дмитриев аатынан” БПК, иккискэ – “ Болот” БПК, үһүскэ “Факел” БПК буоллулар.

Канат тардыһыытыгар круговой быһыытынан буолла. Манна бастакы миэстэни бары хамаандалары кыайан “С.М. Дмитриев аатынан” БПК, иккискэ “Бэдэр-1”, уонна үһүскэ биһиги “Болот” хамаандалара буоллубут.

Уопсай түмүккэ Г.Р. Десяткин 115 сааһыгар баыаннай спортивнай күрэхтэһиилэр 17 очкуолаах  кыайыылаахтарынан “Болот” БПК буоллулар. Иккис миэстэни хаачыстыбанан кыайан Т. Г. Десяткин аатынан Тумул орто оскуолатын “Бэдэр-1” БПК буолла уонна үһүскэ  Аллараа Бэстээх 2№-дээх  орто оскуолатын “Факел” БПК байыастара ыллылар. Кыайыылаахтарга кубок уонна бочуотунай грамоталар туттарылыннылар. Этаап аайы миэстэлэспит хамаандалар грамоталарынан уонна мэтээллэринэн наҕараадаланнылар.

 

Хаартыскалар

     

Просмотров: 25 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]